काठमाडौँ।   झापामा हात्तीले कुल्चेर एक महिलाको मृत्यु भएको छ ।

शिवसताक्षी–११ उत्तर रतुवामाई आयोजनाको वन क्षेत्रमा दाउरा खोज्न गएका स्थानीयबासी ६० वर्षीय पवित्रा भेटवालको बुधबार साँझ जंगली हात्तीको आक्रमणबाट मृत्यु भएको हो।

उनका श्रीमान् दिलिप भेटवाल  घाइते भएका छन्। उनलाई उपचारका लागि बिर्तामोडस्थित बिर्तासिटी अस्पताल लगिएको छ।

हिजो बेलुका ६ बजे रतुवामाई बृक्षारोपण आयोजनाको बनमा घाँस दाउरा गर्न गएका पबित्रा भेटवाल र उनका श्रीमान ६२ बर्षीय दिलिप भेटवाललाई हात्तीले कुल्चि लछारपछार पार्दा पबित्रा भेटवालको घटनास्थलमै मृत्यु भएको थियो

घाइते भएका दिलिप भेटवालको बिर्तासिटि अस्पताल बिर्तामोडमा उपचार भइरहेको छ । इलाका प्रहरी कार्यालय झिलझिलेबाट थप अनुसन्धान भइरहेको प्रहरीले जनाएको छ ।